details

Email:madhawavish@gmail.com Phone:0714760652 Best Regards... to follow this blog by sms for free, type follow madhawablg and send to 40404

Friday, October 10, 2014

අනිත්‍ය භාවනාව



අනිච්ච භාවනාවේ අමා සුවය ඔබත් අත් විදින්න

අනන්ත වූ දුක් දොම්නස් වලින් යුතුව වේදනා විදිනා ජනයා අතරින් ඒ වේදනාවට ආයුෂ සපයනු ලබන්නේ තමන්ම යැයි කියා දන්නාවුන් සිටිනුයේ ඉතාමත් ම අල්පව ය. ඔවුන් හැම කෙනෙක් ම පාහේ සිතනු ඇත්තේ අහවලා තමයි මට මේ දුක් දුන්නේ එයාට මොකක්ද තියන අයිතිය අපිට එහෙම දෙයක් කරන්න හොදයි බලාගමු මම එයාට හොද පාඩමක් උගන්වන්නම් කියා විය හැකිය.
එසේ වතුදු එයින් ම ඔහු ද නොදැනුවත්ව ම තවත් තමන් විදිනා දුක වැඩි කරගන්නේ ය මෙය සිද්ධ වනුයේ මෙලෙසට ය.
අතීතයේ අසා ඇති ගීතයක මෙසේ තිබුණා මතකය.
දුරස් වන්නට සිතන සැම විට තවත් ලංවෙනවා
මතක නැති කර ගන්න යන්න විට සිතේ රජ වෙනවා
අවිද්‍යාවෙන් වැසුණු තණ්හවෙන් බැදුනු සත්වයන්ට සිතිය හැක්කේ එලෙස පමණකි. තමාගේ සතුරා තමන් ලගම තබාගෙන තමන්ගෙන්ම ආහාර පාන ලබමින් අවස්ථාවක් එන තුරු නිදැල්ලේ මාන බලනා බවක් ඔවුන් කිසි ‍විටෙකත් විස්වාශ නොකරනු ඇත.
සියලු තතු පිළිබද ස්වයම් භූ ණුවනින් යුතු බුදු සමිදානන් වහන්සේ එය මෙසේ පැහැදිලි කරදුන් සේක.
“දිසො දිසං යං තං කයිරා
වේරිවා පන වේරිනං
මිච්චා පනිහිතං චිත්තං
පාපියෝ නං තතෝ කරේ
තරහා කාරයෙක් තමන්ගේ තරහකාරයෙකුගෙන් පලිගන්නා විට යම්සේ දරැණු වේද වෛර කාරයෙකු තමන්ගේ වෛරකාරයෙකුගෙන් පලිගන්නා විට එය කෙතරම් බිහිසුණු වේද ඒ බිහිසුණු බවටද වඩා නපුරක් නොමගට යෙදූ සිත ඇති තැනැත්තාට එයින් සිදු වන්නේ ය. මෙයින් අදහස් කරනු ලබන්නේ කුමක්දැයි කියා තේරැම් ගැනීම මදක් අපහසු වනු ඇත. මන්ද අප කරනා හා කියනා සිතනා සියලු දේ කරන්නට බලාපොරොත්තු වනුයේ මේ සිත සතුටින් තබා ගැනුමට ය එසේ තිබිය දී සිත තුලින්ම අපට නපුරක් වේයැයි සිතන්නේ කෙසේද එබැවින් එය තේරැම් ගැනීමට මදක් අපහසු වෙනු ඇත.
එසේ නමුදු තේරැම් ගත යුතු වූ කාරණාවද එයම ය. මේ සිත ගැන කරැණු දක්වන බුදු රජාණන් වහන්සේ ද්වේධා විතක්ක සුත්‍ර දේශනාවේදී මෙසේ වදාළ සේක. මහණෙනි මේ සිත තුල මෙවැනි ස්භාවයක් වේ. එනම් මේ සිත තමන් ඇසුරු කරනා ආසන්න ම සිතිවිල්ල හා ගැලපෙන අරමුණු වෙතම නිරතුරුව නැබුරුව පැවතීම ය. මෙය මදක් විස්තර කරගත් කල ඔබට වටහා ගැනීමට අපහසු නොවන්නේ ය. ඔබ ඔබේ ම චිත්ත ස්භාවය මදක් නිරික්ෂණය කර බලන්න. මදකට සිතා බලන්න ඔබේ සිතේ කවුරුන් කෙරෙහි හෝ තරහක් ඇතී වු මොහොතක් ගැන එවිට ඔබේ සිත තුල රැව් පිළිරැව් දුන‍්නේ ඔහු‍ හෝ ඇය විසින් කරන ලද යහපත් දේද අයහපත් දේදැයි ඔබේ විමසීමට ලක් කරන්න ඔබේ විමසීම නිවැරදී නම් එය මෙසේ වන්නේ ය.
“කෝපයෙන් යුතු මොහොතක් තමන් ගේ කෝපයට ලක් තැනැත්තා විසින් පෙර තමන්ට අවශ්‍ය විට කරන ලද උපකාර සිහිපත් නොවන අතර ඔහු විසින් ඊට පෙරද තමන්ට කරන ලද යම් යම් නින්දා අපහාස හෝ සිත් රිදවිම් වැලක් මෙන් දිගින් දිගටම සිහිපත් වන්නට පටන් ගන්නේ ය මෙය සිදු වනුයේ මෙලෙස ය.”
දැන් ඔබට මේ සිතේ ස්භාවය ගැන බුදු සමිදාණන් වදහල කාරනාවන් සිතට ගත හැකිය. ඒ තුලින් ඔබ මෙතෙක් හාන්කාසියක් වත් නොදැන සිටිමින් ඔබේ සතුරා නිර්මාණය කරමින් හා පෝෂණය කරමින් ගෙන ගිය මුග්ධ වැඩ පිළිවෙල අවසන් කර දෑමීමට එයින් ම මග පැදෙනු ඇත.
සියළු ධර්මයන් පිළිබද අවබෝධයෙන්ම වැඩ සිටි බුදු රජාණන් වහන්සේ මනස සහ මනසේ ස්භාවයත් එහි ඇති මුලා කරවන බව හා මයාවත් එයින් නිදහස් වී ගන්නේ කෙසේ ද යන බවත් දේශනා කොට වදාළ ‍සේක.
මේඝිය නම් භික්ෂුව උදේසා දේශනා කරනු ලැබූ අංගුත්තර නිකායේ නවක නිපාතයෙහි එන මේඝිය සුත්‍ර දේශනාවේ එය මෙසේ සදහන් ව ඇත.
අනිච්ච සඤ්ඤා භාවේතබ්බා අස්මි මාණ සමුග්ගාතාය අනිච්ච සඤ්ඤිනෝ මේඝිය අනත්ත සඤ්ඤා සණ්ඨාති අනත්ත සඤ්ඤිනෝ මේඝිය අස්මිමාන සමුග්ගාහතං පාපුණාති. දිට්ඨෙව ධම්මේ නිබ්බාණං
යනාදි ලෙසින් වදහල එයින් අදහස් කරනු ලබනුයේ මම මෙමි යයි තියනා හැගීම දුරුකර ගැනීම පිණිස අනිච්ච සඤ්ඥාව වැඩිය යුතු ය අනිච්ච සඥ්ඤාව වඩනු ලබන කල්හී ඒ අනිච්ච සඤ්ඤාව වඩනු ලබන තැනැත්තාගේ සිතට අනාත්ම ය පිළිබද වැටහෙන්නට පටන් ගන්නේ ය අනාත්ම සඤ්ඤාව පිළිබද අ‍වබෝධයෙන් දැකගත් කල මම වෙමි කියා සිටිනා අදහස සම්පූර්ණයෙන් ම බැහැර කොට මේ ජීවිතයේ දීම ඒ අමා නිවන් සුව අවබෝධ කරගනු ලබන්නේ ය යන්නය.
එසේ වදහල අනිච්ච සඤ්ඤාව ‍යම් කෙනෙකු වඩනු ලබන්නේ නම් එයින් ම ඔහුගේ කායික මානසික අසහනය වේදනා කාරි චිත්ත පීඩාවන් හා අනිකුත් බොහෝ ගැටලු නිරාකරණය කර ගත හැකි බව බොහෝ අනිච්ච භාවනාව වඩනු ලබන්‍නන්ගේ අද්දැකීම් අත‍ර වේ.
දිනක් මා හටද එයින් පහත සදහන් අත් දැකීම ලැබිය හැකි විය
එය මෙසේ ය. මනස තුල ඇති වූ යම් අවිනිස්චිත ස්භාවයක් නිසාවෙන් සිත තුල තරමක කැලබිලි සහගත බවක් ද එමගින් ඇති වූ මානසික අසහනයකට පැය කීපයක් තිස්සේ ගොදුරුව සිටි මට ඒ උදෑසන මේ සිතිවිල්ල පහල වීය. මේ වෙනුවෙන් මා ආයතන වල අනිච්ච වැඩනවා නම් හොදයි කියාය.
මා ඒ සිතිවිල්ලෙන් පසුව මුලින් ම මණස අරමුණු කලෙමි.
ඒය මෙසේ ය.
මනසට දැනෙන අරමුණු හේතුන් නිසා හටගත් බැවින් වහා වෙනස් වී යන බැවින් අනිත්‍ය යි අනිත්‍ය යි අනිත්‍ය යි.
එයින් ලද අස්වැසිල්ත් සමග ඉතිරි ආයතන ගැන ද එසේ මෙනෙහි කර බැළීමි. මද වේලාවකින් පසුව මාගේ සිතෙහි වූ ඒ පීඩාකාරි මානසිකත්වය වෙනුවට ‍සිසිල් පැන් නහා පිරිසිදු ඇදුම් ඇද ගත් විට කයට හා සිතට දැනෙන විදිහේ සැපයක් එහි වීය.
එබැවින් පිංවත් ඔබද ඒ මානසික පීඩාවන් හෝ වෙනත් බාහිර බලපෑමක් නිසා හෝ ඇතිවෙන සුළු වේදනාවන් සමගින් පීඩාවට පත්ව සීටී ද? අනිත්‍ය වැඩීම පුරුදු කරන්න එයින් ඔබට මහත්ම යහපතක් ම සිදු වන්නේ ය.
ඔබ අනිත්‍ය භාවනාව වඩන විට තවද දැන ගත යුත්තක් ඇත. එනම් ඒ මෙනෙහි කිරීමත් සමග අනිත්‍ය තාවය පිළිබද දැක ගැනීමයි අනිත්‍ය තාවය දැක ගැනීම යනුවෙන් කියනු ලබන්නේ නිරන්තරයෙන් වෙනස් වන ස්භාවය ගැන යම් විදිමත් ආකාරයකට දැනගැනීමයි. උදාහරණයක් වසයෙන් මේ ඇසට පෙනෙන රුප ගෙන බලන්න ඒවා ඇත්තටම එකම ලෙසින් පවතින දේවල් නොව නිරන්තරයෙන් වෙනස් වීමට භාජනය වන දේවල් ය. ඒ ගැන මදක් සිතා විවිධ හේතුන් නිසා වෙනස් වෙන ආකාරය ගැන මදක් සිතා බලන්න. එය හුදෙක් ඔබේ අත්දැකීමකට අනුව සිතන්න ඇසින් දුටු රුප කොයිතරම් නම් වෙනස් වීමට භාජනය වී ඇත්දැයි කියා ඔබට වැටහී යනු ඇත. අනිත්‍ය ස්භාවය පිළිබද ව දැක ගත යුතුයයි කියනු ලබන්නේ එයටය. එය ඒ ආකාරයෙන් නිරන්තරයෙන් මනස තුලට ඇතුලත් කීරීමෙන් මනසේ අවධානය ඒ අනිත්‍ය වී යන රුප දෙසට එල්ල කර තැබීමෙන් සිදු වනු ලබන්නේ ඒ ‍ඒ දේවල් වලට අප ලබා දී ඇති නිත්‍ය සුඛ ආත්ම සංකල්පය අපෙන් ටිකින් ටික බැහැර වී යාමය. එබැවින් පිංවත් ඔබද අනිත්‍ය භාවනාව වඩමින් ජීවිතය ගැන යම් අ‍වබෝධයක් ලබත්වා
අනිත්‍ය භාවනාව වඩන විට එය සිදු කල යුතු ආකාරය මෙසේ ය. නිහඩ නිශ්කලංක වීවේකි පරිසරයක් තෝරා‍ ගෙන එහි වාඩි වන්න
දැස් පියාගෙන මෙසේ සිතන්න
ඇසට පෙනෙන රුප හේතුන් නිසා හටගත් බැවින් වහා වෙනස් වී යන හෙයින් අනිත්‍ය යි අනිත්‍ය යි අනිත්‍ය යි
ඇසට පෙනෙන රුප හේතුන් නිසා හටගත් බැවින් වහා වෙනස් වී යන හෙයින් අනිත්‍ය යි අනිත්‍ය යි අනිත්‍ය යි
ඇසට පෙනෙන රුප හේතුන් නිසා හටගත් බැවින් වහා වෙනස් වී යන හෙයින් අනිත්‍ය යි අනිත්‍ය යි අනිත්‍ය යි
ඇසට පෙනෙන රුප හේතුන් නිසා හටගත් බැවින් වහා වෙනස් වී යන හෙයින් අනිත්‍ය යි අනිත්‍ය යි අනිත්‍ය යි
මෙය වනාහි ඇස පිළිබද වූ අනිත්‍ය භාවනාව ය.
අනිකුත් ආයතන පිළිබදව ද අනිත්‍ය වැඩීම සිදු කල හැකිය.
ඒ සදහා ඒ ඒ ආයතනයන් මෙලෙස මෙනෙහි කිරීම සුදුසුය.
කණට ඇසෙන ශබ්ද හේතුන් නිසා හටගත් බැවින් වහා වෙනස් වී යන හෙයින් අනිත්‍ය යි අනිත්‍ය යි අනිත්‍ය යි.
නාසයට දැනෙන ගද සුවද හේතුන් නිසා හටගත් බැවින් වහා වෙනස් වී යන හෙයින් අනිත්‍ය යි අනිත්‍ය යි අනිත්‍ය යි.
දිවට දැනෙන රස හේතුන් නිසා හටගත් බැවින් වහා වෙනස් වී යන හෙයින් අනිත්‍ය යි අනිත්‍ය යි අනිත්‍ය යි.
කයට දැනෙන පහස හේතුන් නිසා හටගත් බැවින් වහා වෙනස් වී යන හෙයින් අනිත්‍ය යි අනිත්‍ය යි අනිත්‍ය යි.
සිතට දැනෙන අරමුණු හේතුන් නිසා හටගත් බැවින් වහා වෙනස් වී යන හෙයින් අනිත්‍ය යි අනිත්‍ය යි අනිත්‍ය යි.
මේහි සදහන් අරමුණු අතරින් ඔබට වඩාත් උචිත යැයි හැගෙන අරමුණක් ගෙන එය අනුව අනිත්‍ය මෙනෙහි කිරීම අරම්භ කරන්න මේ ආයතන 6 ම මුලින් ම ගෙන නොවැඩීම ඔබේ සතිය වඩාත් යහපත්ව හා ශක්තිමත්ම තබාගැනීමට හේතු වන්නේ ය. එ බැවින් ඒ එකක් ගෙන එය දිගින් දිගට වඩන්න පසුව ඒ පහම ගෙන ‍එකට වඩන්නට හැකි වෙන දවසක් එනු ඇත. එතෙක් කලබල නොවී සිටින්න.
තෙරුවන් සරණයි!!!
මේ සදහා හඩ පටයක් ද ඇති අතර එය පහත සදහන් ලින්ක් එකෙන් ඔබට නොමිලයේ ම ලබාගත හැකිය සදහම් පවස ඇත්තෝ දහම් රස විදිත්වා !!!
සැමට තෙරැවන් සරණින් සියළු යහපත උදාවේවා
පූජණීය එප්පාවල සාගරසුමන ස්වාමීන් වහන්සේ

No comments:

Post a Comment

fb comments

Comment with Facebook